Віншуем пераможцаў раённага этапу рэспубліканскага конкурсу “Жывая класіка”
07.05.20216 мая 2021 года ў Слуцкай раённай цэнтральнай бібліятэцы прайшоў раённы этап рэспубліканскага творчага конкурсу юных чытальнікаў “Жывая класіка”.
Заснавальнікі конкурсу – Міністэрства інфармацыі Рэспублікі Беларусь, Міністэрства адукацыі Рэспублікі Беларусь, ГА “Саюз пісьменнікаў Беларусі”.
У гэтым годзе конкурс прысвечаны Году народнага адзінства.
Да ўдзелу ў конкурсе былі запрошаны вучні пачатковых класаў, 5-6, 7-8 і 9-10 класаў устаноў агульнай сярэдняй адукацыі і ўстаноў дадатковай адукацыі дзяцей і моладзі.
Сёлета ў творчых чытаннях прынялі ўдзел 69 таленавітых дзяцей, якія чыталі свае любімыя творы.
Творчыя нумары, прадстаўленыя на конкурс, адрозніваюцца багаццем вобразаў, разнастайнасцю стыляў, вылучаюцца сваёй індывідуальнасцю і адкрытасцю. Юныя чытальнікі звярнуліся да твораў Максіма Багдановіча, Якуба Коласа, Максіма Танка, Змітрака Бядулі, Пімена Панчанкі, Аркадзя Куляшова і сучасных аўтараў.
Асаблівую ўвагу юныя чытальнікі надалі тэме Вялікай Айчыннай вайны, малой радзімы, таксама чыталі пра дзяцінства, мову, жыццё і шчасце.
Журы ацэнівала глыбіню пранікнення ў вобраз і сэнс твора, выбар тэксту, артыстызм выканання.
Складаней за ўсё было вызначыць пераможцаў і прызёраў у самай малодшай групе (1–4-я класы): такой высокай атрымалася канкурэнцыя!
Дыплом 1-й ступені атрымаў вучань 3 класа ДУА “Гольчыцкая сярэдняя школа” Максакаў Кірыл. Ён па-даросламу пранікнёна прочытаў верш Пімена Панчанкі “Родная мова”.
Сярод вучняў 5-6 класаў дыпломам 1-й ступені ўзнагароджаны Кадыш Ілья, вучань 6 “В” класа ДУА “Гімназія №1 г.Слуцка” і Якімовіч Сафія вучаніца “6 Б” класа ДУА “Сярэдняя школа №11 г.Слуцка”.
У дзвюх іншых узроставых катэгорыях перамаглі Таманава Ульяна, вучаніца 8 “А” класа ДУА “Гімназія №1 г.Слуцка” за майстэрскае выкананне твора “Люблю” Канстанцыі Буйло і Еўдакімовіч Марыя вучаніца 9 класа ДУА “Гімназія №2 г.Слуцка”.
Пераможцы раённага этапу прадставяць Слуцкі раён на абласным этапе рэспубліканскага конкурсу юных чытальнікаў “Жывая класіка”.
Віншуем юных чытальнікаў і іх педагогаў з перамогай!